پاکستان کے معروف گلوکار اور اداکارہ ثنا جاوید کے سابق شوہر عمیر جسوال نے بھی دوسری شادی کرلی۔
فوٹو اینڈ ویڈیو شیئرنگ پلیٹ فارم انسٹاگرام پر گلوکار عمیر جسوال نے اپنی دلہا بنے کی تصویر شیئر کی اور ساتھ میں کیپشن تحریر کیا کہ ’’ الحمداللہ ‘‘۔
View this post on Instagram
عمیر جسوال نے کپیشن میں قرآن پاک کی آیت بھی لکھی جس کا مطلب ہے ’’ آپکا رب عنقریب آپکو اتنا عطا فرمائے گا کہ آپ راضی ہو جائیں گے ‘‘۔
گلوکار نے دوسری شادی کس سے کی ہے اس حوالے سے تفصیلات تاحال سامنے نہیں آئی ہیں، تاہم، ان کے مداحوں کی جانب سے انہیں مبارکباد دی گئی ہے۔
یاد رہے کہ عمیر جسوال کی پہلی شادی اداکارہ ثنا جاوید کے ساتھ اکتوبر 2020 میں ہوئی تھی لیکن بعدازاں، جوڑے کے درمیان علیحدگی ہوگئی تھی۔
یہ بھی یاد رہے کہ جنوری 2024 میں علیحدگی کی تصدیق اس وقت ہوئی جب ثنا جاوید اور پاکستان کرکٹ ٹیم کے سابق کپتان شعیب ملک کی شادی کی خبر سامنے آئی تھی۔
