پشاور ہائیکورٹ نے وزیر اعلیٰ خیبرپختونخوا علی امین گنڈا پور کی حفاظتی ضمانت کا تحریری حکمنامہ جاری کر دیا۔
گزشتہ روز پشاور ہائی کورٹ نے 05 نومبر تک علی امین گنڈا پور کی حفاظتی ضمانت منظور کی تھی جس کا تحریری حکمنامہ بھی جاری کر دیا گیا ہے۔
لازمی پڑھیں ۔عمر ایوب کا علی امین گنڈا پور کی گرفتاری کا دعویٰ، سرکاری ذرائع کی تردید
تحریری حکمنامہ کے مطابق درخواست گزار صوبے کا وزیر اعلیٰ ہے، درخواست گزار نے عدالت کے سامنے خود کو سرنڈر کرلیا ہے اس لئے درخواست کو جزوی طور پر منظور کیا جاتا ہے۔
عدالت کی جانب سے کہا گیا کہ وفاقی اور صوبائی قانون نافذ کرنے والے ادارے علی امین کو درج مقدمات میں گرفتار نہ کریں۔
عدالت نے حکم دیا کہ درخواست گزار 5 نومبر تک متعلقہ عدالتوں میں پیش ہو جائے۔
