پاکستان تحریک انصاف ( پی ٹی آئی ) کے رہنما حافظ فرحت عباس اور شیخ امتیاز محمود 9 مئی کے مقدمات میں ضمانتیں خارج ہونے پر عدالت سے فرار ہوگئے۔
لاہور ہائیکورٹ کے جسٹس شہباز علی رضوی کی سربراہی میں 2 رکنی بینچ نے 9 مئی کے مقدمات کی سماعت کی جس کے دوران بڑی پیشرفت سامنے آئی۔
عدالت کی جانب سے سینیٹر اعجاز چوہدری اور پی ٹی آئی کے دو ممبران پنجاب اسمبلی حافظ فرحت عباس اور شیخ امتیاز کی ضمانتیں خارج کر دی گئیں۔
ضمانتیں خارج ہونے کے بعد پولیس کی جانب سے گرفتاری کے خطرے کے پیش نظر حافظ فرحت اور شیخ امتیاز عدالت سے فرار ہوگئے۔
عدالت کی جانب سے سینیٹر اعجاز چوہدری کی ضمانت بعداز گرفتاری بھی خارج کی گئی۔
