امریکا نے ایران کےاسرائیل پر کیے جانے والے میزائل حملوں پر ایران کو سنگین نتائج کی دھمکی دی ہے۔
امریکا کے قومی سلامتی کےمشیر جیک سلیوان نےوائٹ ہاؤس میں پریس بریفنگ کےدوران کہا ہےکہ ایران نےاسرائیل پرمیزائل حملے کرکےخطےمیں کشیدگی میں مزید اضافہ کیاہے،ایران کے لیے ان حملوں کے سنگین نتائج ہوں گے۔
جیک سلیوان نےکہا ہےکہ امریکا اسرائیل کے ساتھ کھڑا رہےگا اور اس کے دفاع میں اٹھائے گئےہر اقدام کی حمایت کرے گا، ایران نےاسرائیل پر تقریباً 200 میزائل داغے، امریکا نےحملوں کو ناکام بنانےمیں اسرائیل کی دفاعی افواج کےساتھ تعاون کیا،ایران اور اس کے پراکسیوں کی مزیددھمکیوں اور حملوں کا جائزہ لے رہے ہیں۔
اس کے علاوہ ترجمان امریکی محکمہ خارجہ نے اسرائیل پر ایران کے حملوں کی مذمت کرتے ہوئے کہا ایران کئی سالوں سے دہشت گردوں کی سرپرستی کرتا رہا ہے،حماس مذاکرات کی میزپر نہیں آرہا،ایران نے جو کیا وہ دہشت گردی ہے۔اسرائیل کو اپنے دفاع کا حق حاصل ہے۔
