اسرائیلی میڈیا نے دعویٰ کیاہے کہ ایران کی سرزمین سے اسرائیل کی جانب 400 سے زائد بیلسٹک میزائل داغے گئے ہیں جس کے بعد خطے میں جنگ کے خطرات بڑھ گئے ہیں اور امریکی صدر جوبائیڈن کا بیان بھی سامنے آ گیاہے ۔
تفصیلات کے مطابق امریکی صدر جو بائیڈن نے کہا ہے کہ امریکہ اسرائیل کو ایران کے میزائل حملوں سے بچانے کے لیے تیار ہے اور خطے میں امریکی فوجی اہلکاروں کا بھی تحفظ کرے گا۔صدر بائیڈن نے سماجی میڈیا پلیٹ فارم X پر بیان جاری کرتے ہوئے کہا کہ انہوں نے اسرائیل کی دفاعی صورتحال پر بات چیت کی ہے اور امریکہ اسرائیل کی دفاع میں مدد کے لیے تیار ہے، ساتھ ہی خطے میں امریکی اہلکاروں کی حفاظت بھی یقینی بنائے گا۔
غیر ملکی میڈیا رپورٹس کے مطابق اسرائیل حکام کا کہنا ہے کہ ایران کی جانب سے اسرائیل کی طرف 400 بلیسٹک میزائل داغے گئے ہیں۔ایران کے مبینہ حملے کے بعد اسرائیل مین سائرن بج اٹھے ۔
سماجی رابطے کے پلیٹ فارم ایکس پر اسرائیلی ڈیفنس فورسز ( آئی ڈی ایف ) کی جانب سے ایران کے حملے کی تصدیق بھی کردی گئی ہے۔
دوسری جانب اسرائیلی شہر حیفا میں فائرنگ کا واقعہ بھی پیش آیا ہے جس کے نتیجے میں 10 اسرائیلی شہری ہلاک ہوئے ہیں۔اسرائیلی میڈیا کے مطابق اسرائیلی دارالحکومت تل ابیب میں مسلح افراد بھی گھس گئے ہیں جن کی فائرنگ سے ہلاکتوں کا خدشہ ہے
حزب اللہ کی جانب سے بھی اسرائیل پر حملہ کر دیا گیا ہے اور لبنانی مزاحمتی تحریک کی جانب سے متعدد راکٹ فائر کئے گئے ہیں۔
