وائٹ ہاؤس اہلکار کا کہنا ہے کہ امریکہ کو اشارے ملے ہیں کہ ایران اسرائیل کے خلاف فوری طور پر بیلسٹک میزائل حملے کی تیاری کر رہا ہے، اسرائیل کا فضائی دفاعی نظام مکمل طور پر تیار ہے۔
عالمی خبر رساں ادارے کی جانب سے جاری رپورٹ کے مطابق ترجمان وائٹ ہاؤس کا کہنا ہے کہ ایران کے بیلسٹک میزائل حملے کیخلاف اسرائیل کا فضائی دفاعی نظام مکمل طور پر تیار ہے،امریکہ اس حملے کے خلاف اسرائیل کے دفاع کے لیے تیاریوں کی بھرپور حمایت کر رہا ہے۔
وائٹ ہاؤس اہلکار کا مزید کہنا ہے کہ ایران کی طرف سے اسرائیل کے خلاف براہ راست فوجی حملہ ایران کے لیے سنگین نتائج کا باعث بنے گا۔
اسرائیلی فوج کے ترجمان نے کہا کہ اس نے ابھی تک ایران کی طرف سے کسی فضائی خطرے کی نشاندہی نہیں کی ہے اسرائیل کا فضائی دفاعی نظام مکمل طور پر تیار ہے اسرائیل پر کسی بھی ایرانی حملے کے نتائج برآمد ہوں گے۔
اقوام متحدہ میں ایران کے مشن نے فوری طور پر تبصرہ کرنے کی درخواست کا جواب نہیں دیا۔
