خیرپور میں مسافر وین اور کار میں تصادم کے نتیجے میں 12 افراد جاں بحق اور 10 سے زائد زخمی ہوگئے۔
ڈپٹی کمشنر فواد شاہ کے مطابق ببرلوئی بائی پاس خیرپور میں مسافر وین اور کار میں تصادم ہوگیا، حادثے میں 12 افراد جاں بحق جبکہ 11 زخمی ہوگئے۔
انہوں نے بتایا کہ تین لاشیں خیرپور اسپتال اور 9 سکھر اسپتال منتقل کی گئیں، واقعے کے بعد سول اسپتال میں ایمرجنسی نافذ کردی گئی ہے۔
پولیس کا کہنا ہے کہ تاحال واقعے میں جاں بحق افراد کی شناخت نہیں ہوسکی، مسافر ویگن سکھر سے خیرپور جارہی تھی، حادثے کی وجوہات جاننے کیلئے تحقیقات کا آغاز کردیا گیا۔
