بالی ووڈ اداکارہ سلمان خان کے والد سینئر اسکرین رائٹر سلیم خان کو جان سے مارنے کی دھمکی موصول ہوئی ہے۔
بھارتی میڈیا رپورٹس کے مطابق سلیم خان معمول کے مطابق صبح کی سیر کیلئے پارک میں موجود تھے، وہاں اچانک موٹر سائیکل آکر رکی،موٹر سائیکل پر ایک عورت اور مرد سوار تھے،عورت اتری اور اس نے سلیم خان کے پاس آکر جان سے مارنے کی دھمکی دی۔
سلیم خان کو دھمکی دیتے ہوئے ملزم نے یہ بھی کہا کہ ’لارنس بشنوئی کو بلاؤں کیا‘؟دھمکی دینے کے بعد دونوں وہاں سے چلے گئے۔
بعد ازاں سلیم خان نے باندرہ پولیس اسٹیشن میں شکایت درج کروائی جس کے بعد پولیس نے کچھ مشتبہ افراد کو پوچھ گچھ کے لیے حراست میں لے لیا۔
اس سے قبل 14 اپریل کو 2 موٹر سائیکل مسلح افراد نے ممبئی کے باندرہ میں واقع سلمان خان کی رہائش گاہ گلیکسی اپارٹمنٹس کے باہر فائرنگ کی اور موقع سے فرار ہو گئے۔
پولیس نے سی سی ٹی وی فوٹیج کی مدد سے ملزمان کو گرفتار کیا۔ پوچھ گچھ کے دوران یہ بات سامنے آئی کہ فائرنگ کے پیچھے گینگسٹر لارنس بشنوئی کا ہاتھ تھا۔
ملزمان نے اعتراف کیا کہ لارنس بشنوئی نے سلمان خان کی رہائش گاہ پر فائرنگ کرنے پر ان سے 400,000 روپے دینے کا وعدہ کیا تھا۔
