محکمہ انسداد دہشت گردی (سی ٹی ڈی) کے ساتھ فائرنگ کے تبادلے میں 3 دہشت گرد انجام کو پہنچ گئے۔
ترجمان سی ٹی ڈی کے مطابق موٹروے ننکانہ صاحب انٹرچینج کے قریب سی ٹی ڈی سے مقابلے میں 3 دہشت گرد ہلاک جبکہ دو فرار ہونے میں کامیاب ہوگئے۔ ہلاک دہشت گردوں کی شناخت کاعمل جاری ہے۔
ترجمان کے مطابق دہشت گردوں کی گرفتاری کیلئےانٹیلی جنس بیسڈ کارروائی کی گئی، دہشت گردوں نےسی ٹی ڈی ٹیم پر فائرنگ کردی، دہشت گرد لاہور پربڑے حملے کی منصوبہ بندی مکمل کرچکے تھے۔
حکام کے مطابق دہشت گردوں سے 3دستی بم،3ڈیٹونیٹر، 2رائفلیں، گولیاں اور بارودی مواد برآمد کرلیا گیا، سی ٹی ڈی ٹیموں نے موٹروے ننکانہ انٹرچینج کے قریب ناکہ بندی کرلی، فرار ہونیوالے دہشت گردوں کی گرفتاری کیلئے سرچ آپریشن جاری ہے۔
