چیئرمین پیپلزپارٹی بلاول بھٹو زرداری کا کہنا ہے کہ جتنے بھی ضمنی الیکشن ہوئے ہیں،یہ لوگ ہارتے ہیں اور اتحادی جیتتے ہیں۔ ضمنی انتخابات کے نتائج سے ثابت ہوگیا عوام قیدی نمبر804 کے ساتھ نہیں۔
قومی اسمبلی اجلاس میں اظہار خیال کرتے ہوئے چیئرمین پیپلزپارٹی بلاول بھٹو زرداری نے کہا کہ این اے171سے پیپلزپارٹی کے مخدوم طاہر رشید کامیابی حاصل کیو پیپلزپارٹی جنوبی پنجاب کی تنظیم کو کا میابی پرمبارکباد پیش کرتاہوںو یہ تنظیم جھوٹ اور گالم گلوچ کی سیاست کا مقابلہ کرتی ہے، یہ وہ امیدوارہیں جوہرپولنگ اسٹیشنز کا فارم45دکھاسکتے ہیںو اس الیکشن میں آزاد اور دیگرجماعتوں کے امیداواروں کامشکورہوںہ
بلاول بھٹو نے کہا کہ ضمنی الیکشن کے نتائج ثابت کرتے ہیں عوام کہاں کھڑے ہیں، ثابت ہوگیاعوام قیدی نمبر804کے ساتھ نہیں، ثابت ہواعوام گالم گلوچ کی سیاست کے ساتھ نہیں کھڑے، عوام سازشی ٹولے کے ساتھ الیکشن میں کھڑے نہیں ہوئے۔ فارم45اور47کے پروپیگنڈے پر بڑی کہانی سامنے آنے والی ہے، جب حقائق سامنے آئیں گے تو یہ اپنامنہ عوام کونہیں دکھاسکیں گے۔
انہوں نے کہا کہ وزیراعظم کوعدم اعتماد سے بھیجنے کی کوشش شروع کی توسازش شروع ہوگئی، آرمی چیف کانوٹیفکیشن متنازعہ بنانےکی کوشش کی گئی، آرمی چیف کیخلاف سیاسی الزامات لگائے گئے ہیں، بانی پی ٹی آئی نے بیان نہیں دیا تو اپوزیشن لیڈر یا پارٹی چیئرمین وضاحت دیں، اگربانی پی ٹی آئی نے یہ بیان دیاہے تو نتائج بھگتنا ہوں گے۔ بلاول بھٹو نے کہا کہ موجودہ چیف جسٹس کیخلاف توہین عدالت کی گئی، کل رات ایک بار پھر جمہوریت پرحملہ کیا گیا، بانی پی ٹی آئی نے ریلیف لینے کیلئے ہر آئینی ادارے پر حملہ کیا۔
