مردان میں کچے مکان میں آگ لگنے سے 5 افراد جھلس کر جاں بحق ہو گئے۔ متاثرہ مکان پہاڑی پر واقع درگاہ کے مریدوں کا ٹھکانہ تھا۔
ریسکیو کے مطابق مردان بونیر روڈ پر واقع باغ جبران پہاڑی میں کچے مکان پر آگ لگنے کی اطلاع ملی ۔ ریسکیو کی فائر فائیٹر اور میڈیکل ٹیمیں موقع پر پہنچ گئیں اور آپریشن شروع کیا گیا۔ گھر پہاڑی کی اونچائی پر ہو نے کے باعث ٹیموں کا آگ پر قابو پانے میں مشکلات کا سامنا کر نا پڑا تاہم آگ کے درمیان سے مکان میں جھلسنے والے پانچ افراد کو باہر نکال کر نیچے منتقل کیا گیا۔
متاثرہ مکان پہاڑی پر موجود درگاہ کے مریدوں کا ٹھکانہ تھا اور واقعے میں جان بحق ہو نے والے پانچوں افراد درگاہ کے مرید تھے۔ مکان پر آگ لگنے کی وجہ تاحال معلوم نہ ہو سکی ہے۔
