حکومت اور ریاستی اداروں کے خلاف ایکس اکاؤنٹ کے ذریعے بغاوت پر اکسانے کا الزام میں بانی پی ٹی آئی کے خلاف مقدمہ درج کر لیا گیا۔
متنازعہ ایکس پوسٹ کے معاملے پر بانی پی ٹی آئی سے ایف ائی اے ٹیم کی تحقیقات کے حوالے اہم پیشرفت سامنے آگئی۔ ذرائع کے مطابق حکومت اور ریاستی اداروں کے خلاف ایکس اکاؤنٹ کے ذریعے بغاوت پر اکسانے کے الزام میں مقدمہ درج کر لیا گیا۔ سائبر کرائم کی چار رکنی ٹیم اڈیالہ جیل میں پوچھ گچھ کے لیے بھی پہنچی۔ ڈپٹی سپرنڈینڈنٹ کے ذریعے بانی پی ٹی آئی کو پوچھ گچھ کے لیے طلب کیا گیا۔ وکلا سے مشاورت کا بہانہ بنا کر بانی پی ٹی آئی نے تفتیش میں شامل ہونے سے انکار کر دیا۔ ذرائع کے مطابق چار رکنی تفتیشی ٹیم کل صبح دوبارہ تفتیش کے لیے اڈیالہ جیل جائے گی۔ تفتیشی ٹیم بانی پی ٹی آئی سے بغاوت کے پیغامات اور انہیں آگے پھیلانے میں ملوث ساتھیوں کے حوالے سے پوچھ گچھ بھی کرے گی۔
