ایشین ہاکی چیمپئنز ٹرافی میں پاکستان نے جاپان کو شکست دے کر ایونٹ میں پہلی کامیابی حاصل کر لی، پاکستان 5 پوائنٹس کے ساتھ ٹیبل پر دوسرے نمبر پر آگیا۔
پاکستان نے ایونٹ میں اپنے تیسرے میچ میں جاپان کو سنسنی خیز میچ میں شکست دی،گرین شرٹس نے میچ ایک کے مقابلے میں دو گول سے اپنے نام کیا،قومی ٹیم کی جانب سے احمد نعیم اور سفیان خان گول اسکور کیے۔
اس قبل پاکستان ہاکی ٹیم کے ملائیشیا اور کوریا کے خلاف میچ برابر ہوئے تھے،قومی ٹیم ایونٹ میں اپنا چوتھا میچ کل چائنہ کے خلاف کھیلے گا،پاکستان اور چین کے درمیان میچ پاکستانی وقت کے مطابق دوپہر تین بجے شروع ہوگا۔
