ایس آئی ایف سی کے تعاون سے پیٹرولیم ڈویژن کی سرگرمیوں میں گزشتہ چند ہفتوں کے دوران خاطر خواہ پیشرفت ہوئی ہے۔
پیٹرولیم ڈویژن کو ہدایت کی گئی ہے کہ وہ وزارت خارجہ کےساتھ مل کر سعودی عرب کے ساتھ ساتھ چین کے اسٹیک ہولڈرز سے رابطے بڑھاۓ اور پاکستان کے آف شور بلاکس پر آئندہ اجلاس میں متفقہ موقف پیش کرے
پیٹرولیم ڈویژن کو ہدایت کی گئی ہےکہ وہ 5 جون 2024 کی آڈٹ رپورٹ میں بیان کردہ خامیوں کے تدارک کے لئے کوششیں کرے اور اپنی منصوبہ بندی میں تمام صوبوں کو شامل کرے
پیٹرولیم ڈویژن کو مقررہ ٹائم لائنز کی بنیاد پر سنگ میلوں کا تعین کرنے کی بھی ہدایت دی گئی ہے جس کے ذریعے منصوبے کی پیشرفت کو یقینی بنایا جائے گا اور تمام منصوبوں کو بروقت مکمل کیا جائے گا
پیٹرولیم ڈویژن کوبین الصوبائی کو آرڈینیشن کمیٹی کےساتھ مل کر معدنیات کے ریگولیٹری فریم ورک پر بین الصوبائی اجلاس منعقد کرنے کی ہدایت دی گئی ہے
خصوصی سیکریٹری پیٹرولیم ڈویژن نے بتایا کہ وفاقی حکومت کے معدنیات سے متعلق تمام منصوبے نئےمعدنیات ونگ میں منتقل کر دیے گئے ہیں جن کے لیے کنسلٹنٹس کی خدمات لی جا رہی ہیں
پیٹرولیم ڈویژن کو ترکمانستان سے ایل پی جی درآمد کے آپشن پر وزارت خارجہ کے ساتھ کام کرنے کی ہدایت دی گئی ہےجس سے توانائی کے وسائل کی فراہمی میں بہتری آئے گی
ریکوڈک پروجیکٹ پاکستان میں جدید کان کنی اور پروسیسنگ ٹیکنالوجیز کو متعارف کروا رہا ہے جس سے تکنیکی مہارت اور ٹیکنالوجی کو فروغ ملے گا
یہ منصوبہ نہ صرف پاکستان کی معدنیات کی صنعت کو مضبوط کرے گا بلکہ عالمی سطح پر بھی پاکستان کی حیثیت کو فروغ دے گا
