محکمہ جنگلات پنجاب کی جانب سے تھوہا خالصہ تحصیل کہوٹہ میں شجرکاری مہم کا آغاز ہوگیا۔
پلانٹ فار پاکستان شجرکاری مہم کےسلسلے میں یوم دفاع کی مناسبت سےشہداء کو خراج تحسین پیش کرنے کے لیے"درخت لگائیں،شہداء کےنام "کےعنوان سے پروگرام منعقد کیے جا رہے ہیں۔
محکمہ جنگلات تحصیل کہوٹہ کے تعاون سےمعززین علاقہ اور نوجوانوں نے اس مہم میں بھرپور شرکت کی اس سلسلے کی تقریب کا باقاعدہ انعقاد آج شام پانچ بجے توہا خالصہ گاؤں میں ہوگا۔
تقریب کےدوران شہداء اورغازیوں کی یاد میں پودے لگائے جائیں گے، تھوہا خالصہ میں فارسٹ ڈویژن کی جانب سےمفت پودوں کی تقسیم کی جائے گی اور کسانوں کے باغات کی رجسٹریشن کی جائے گی۔
اس مہم کےسلسلےمیں تحصیل مری،تحصیل کہوٹا اور تحصیل کوٹلی ستیاں میں پھلدار پودے لگائے اور مفت تقسیم کیے جارہے ہیں اور فارمرزکی رجسٹیشن کی جا رہی ہے،معززین علاقہ خصوصاً نوجوان اس تقریب کےحوالے سے بہت پر امید اور پر جوش ہیں۔
