چیمپئنزون ڈے کپ کی ٹیم وولوز کے مینٹور مصباح الحق نے پریس کانفرنس سے خطاب کرتے ہوئے کہا کہ وولوز ٹیم کے ساتھ میرا پرانا تعلق ہے، ہمارا مقصد ہے کہ انٹرنیشنل اور ڈومیسٹک کے گیپ کو ختم کرنا ہے، دیگر ملکوں کے ڈومیسٹک پلیئرز انٹرنیشنل لیول پر آکر پرفارم کرتے ہیں لیکن ہمارے نہیں کرپاتے، ہمارے پاس مختلف ٹیمیں ہیں جس میں انڈر 19 اور سینئر پلیئرز شامل ہیں۔
مصباح الحق نے کہا کہ ٹیکنیکل کھلاڑی تینوں فارمیٹ کھیل سکتا ہے، دنیا کے ساتھ مقابلہ کرنا ہے تو بلےبازوں کو اسٹرائیک ریٹ بہتر کرنا ہوں گے،حوصلہ دینے کے ساتھ ساتھ کھلاڑیوں کو تیز کھیلنا سیکھانا ہوگا۔
