سعودی وزارت خارجہ کی جانب سے بلوچستان میں دہشتگردی کے واقعات کی شدید الفاظ میں مذمت کی گئی ہے۔
سعودی وزارت خارجہ کاکہنا ہےکہ سعودی عرب ہرقسم کےتشدد اورانتہاپسندی کومستردکرتا ہے،دہشتگرد حملوں میں جاں بحق افراد کے لواحقین سے دلی تعزیت کرتے ہیں،پاکستانی حکومت اور عوام سے بھی تعزیت اور ہمدردی کا اظہار کرتے ہیں۔
موسیٰ خیل میں 23 مسافروں کو گاڑیوں سے اتار کرقتل کردیا گیا
خیال رہے کہ کچھ روز قبل بلوچستان کے علاقے موسیٰ خیل میں دہشت گردوں نے قومی شاہراہ پر گاڑیوں کو روک کر مسافروں کو اتارا اور فائرنگ کرکے 23 افراد کو قتل کردیا گیا تھا،
ملزمان نے شناختی کارڈ چیک کرنے کے بعد مسافروں پر فائرنگ کی، مسلح افراد نے 20 گاڑیوں کو بھی آگ لگادی۔
