پاکستان بنگلادیش ٹیسٹ سیریز کیلئے پی سی بی نے پہلے ٹیسٹ کے بقیہ دو دنوں کے لیے شائقین کا داخلہ مفت کردیا۔
پی سی بی کے مطابق یہ فیصلہ ویک اینڈ کو مدنظر رکھتے ہوئے کیا گیا ہے جس سے فیملیز اور طلباء کو زیادہ سے زیادہ تعداد میں کھیل دیکھنے کا موقع مل سکے گا۔تماشائیوں کو اسٹیڈیم میں داخل ہونے کے لیے اپنا اصل شناختی کارڈ یا ب فارم لانا ہوگا۔
شائقین کسی بھی وی آئی پی انکلوژرز (عمران خان اورجاوید میانداد) (صرف فیملیز کے لیے) اور پریمیم انکلوژرز (میراں بخش۔ شعیب اختر، سہیل تنویر اور یاسر عرفات ) ۔میں سے ایکشن کو مفت دیکھ سکیں گے۔
پی سی بی گیلری یا پلاٹینم باکس کے لیے خریدے گئے ٹکٹوں پر مفت داخلے کی پالیسی نافذ نہیں ہوتی،پہلے سے خریدے گئے ٹکٹوں کی رقم واپس کردی جائے گی،شائقین کی سہولت کے لیے دو روٹس پر مفت شٹل سروس چلتی رہے گی۔
