انٹرنیشنل کرکٹ کونسل نے انڈر 19 ویمن ٹی ٹوئنٹی ورلڈ کپ 2025ء کے شیڈول کا اعلان کر دیا۔
ایونٹ 18 جنوری سے 2 فروری تک ملائیشیا میں کھیلا جائےگا،ملائیشیا میں کھیلے جانے والے انڈر19ویمن ٹی ٹوئنٹی ورلڈ کپ میں بھارت کی ویمن انڈر 19 ٹیم اعزاز کا دفاع کرے گی۔
ایونٹ میں 16 ٹیمیں حصہ لیں گی،گروپ اے میں بھارت،ویسٹ انڈیز،سری لنکا اور ملائیشیا،گروپ بی میں پاکستان، انگلینڈ، آئر لینڈ اور یو ایس،گروپ سی میں نیوزی لینڈ، جنوبی افریقا،افریقا کوالیفائر اورسماؤ جبکہ گروپ ڈی میں آسٹریلیا،بنگلا دیش، ایشیاء کوالیفائر اور اسکاٹ لینڈ شامل ہیں۔
ہر گروپ کی ٹاپ 3 ٹیمیں سپر 6 مرحلے کے لیےکو الیفائی کریں گی، 12 ٹیموں کو 2 گروپس میں تقسیم کیا جائے گا۔ گروپ اے اور ڈی کی ٹاپ 3، 3 ٹیمیں گروپ 1 اور بی اور سی کی ٹاپ 3، 3 ٹیمیں گروپ 2 میں شامل ہوں گی۔ ایونٹ کے سیمی فائنلز 31 جنوری کو جبکہ فائنل 2 فروری کو ہو گا۔
