معروف ہدایت کار سید نور نے اداکارہ ریشم کی ناراضگی کی وجہ بتا دی۔
لالی ووڈ کےنامور ہدایت کار سید نور نےحال ہی میں سماء ٹی وی کےشو“ کافی ود سماء “میں شرکت کی،انہوں نےاس گفتگو کےدوران اپنی فلمی اور ذاتی زندگی کے بارے میں تفصیل سے بات کی۔
انٹرویو کے دوران ان سےپوچھا گیا کےکئی اداکارائیں ان سے ناراض ہو گئ تھیں جب انہوں نےصرف اداکارہ سائمہ کے ساتھ ہی فلمیں بنائیں ، اس بات کا سب سے زیادہ گلہ اداکارہ ریشم کرتی ہیں ،اس پرانہوں نےجواب دیا کہ “ یہ بات بلکل درست ہے - ریشم کی مہربانی ہے کہ وہ گلہ کرتی ہیں،مجھے ان سے کوئی گلہ نہیں انہوں نے ریشم کے بارے میں مزید بات کرت ہوئے کہا کہ اگر ریشم کا رول ہوا تو انہیں اپنی کسی فلم میں ضرور کاسٹ کروں گا۔
شو کے دوران ریپڈفائر راؤنڈ میں ان سےمزید اداکاروں کے بارے میں سوالات کیے گئے اداکارہ میرا کے بارے میں انہوں نے کہا کہ وہ بڑی اچھی لڑکی ہے ، بہت اچھا کام کرتی ہے،اس کی پریسینس اور شکل بہت اچھی ہے ،پر اس کو پراجیکٹس اتنے زیادہ نہیں ملے،اسی وجہ سے میں نے اسے کسی انٹرویو میں بدقسمت کہہ دیا جس پر انہوں نے شکوہ کیا۔
مزید انہوں نےکہا کہ اداکارہ سجل علی کے وہ فین ہیں ، اداکاہ ماہراہ خان ایک اچھی اداکارہ ہونے کے ساتھ ساتھ اچھی انسان بھی ہیں جب کہ اداکارہ صبا قمر کو مجھ جیسے ہدایت کار کے ساتھ فلمیں کرنی چاہیے۔
ہدایت کار سید نوربہت سی بلاک بسٹر پاکستانی فلموں جن میں چوڑیاں اور مجاجن سمیت کئ فلمیں شامل ہیں کو ڈائریکٹ کر چکے ہیں ۔
