قومی سائبر سیکیورٹی کو مؤثر بنانے کیلئے وزارت آئی ٹی اینڈ ٹیلی کام نے سرٹ کونسل کی تشکیل دے دی ۔
وزارت انفارمیشن ٹیکنالوجی(آئی ٹی) اینڈ پاکستان ٹیلی کمیونیکیشن اتھارٹی کی جانب سے جاری کئے گئے نوٹیفکیشن کے مطابق وفاقی سیکرٹری انفارمیشن ٹیکنالوجی(آئی ٹی) سائبر ایمرجنسی رسپانس ٹیم (CERT)سرٹ کونسل کے چیئرمین ہوں گےجبکہ نیشنل سائبر ایمرجنسی رسپانس ٹیم( سرٹ) کے ڈائریکٹر جنرل( ڈی جی) کوسرٹ کونسل کا سیکرٹری تعینات کیا گیا ہے۔
وزارت آئی ٹی اینڈ ٹیلی کام کی طرف سے جاری کئے گئےنوٹیفکیشنمیں کہا گیا ہےکہ کمپیوٹر ایمرجنسی رسپانس ٹیم رولز 2023 کے تحت تشکیل دی گئی ہے سرٹ کونسل ابتدائی طور پر 10 ارکان پر مشتمل ہے۔
Notification of Constitution of Cert Council by Farhan Malik on Scribd
حکومتی ادارے کی جانب سےجاری نوٹیفکیشن میں مزید کہاگیا ہےکہ سائبر ایمرجنسی رسپانس ٹیم (سرٹ) سرٹ کونسل میں دفترخارجہ ،نیشنل سیکیورٹی ڈویژن ،وزارت داخلہ ،نیشنل ٹیلی کام اینڈ انفارمیشن ٹیکنالوجی سیکورٹی بورڈ ( این ٹی آئی ایس بی) ، سول سوسائٹی ،انڈسٹری اور جامعات سے نمائندے بھی شامل ہوں گے۔
انفارمیشن ٹیکنالوجی (آئی ٹی) اینڈ پاکستان ٹیلی کمیونیکیشن اتھارٹی کےنوٹیفکیشن میں مزید بتایا گیا ہے کہ کونسل سائبرسیکیورٹی کے تمام اقدامات کی نگرانی کے ساتھ تمام سرٹس کیلئےمشاورتی کونسل کا کرداراداکرے گی، کونسل نیشنل اورسیکٹورل سرٹس کے حوالے سے اقدامات تجویز کرے گی، سرٹ کونسل کے باقی ارکان کا تقرربعد میں کیا جائےگا۔
