معروف اداکاربلال عباس کی اداکاری پر تنقید کرنے پر نادیہ خان کو مداحوں نے آئینہ دکھا دیا۔
معروف پاکستانی ہوسٹ اور اداکارہ نادیہ خان اکثر پاکستانی ڈراموں پر اپنی منفرد رائےکی وجہ سے خبروں میں رہتی ہیں،ایک نجی چینل کےشو “کیا ڈرامہ ہے“میں حال ہی میں شروع ہونے والے ڈرامہ سیریل “من جوگی“پراپنی رائےکا اظہارکرتے ہوئے نادیہ خان نےکہاکہ “بلال عباس ایک اچھے اداکارہیں پر یہ رول ان پر سوٹ نہیں کیا،ڈرامے کےباقی اداکار گوہر رشید ،سبینہ فاروق اوراسما عباس اپنےکرداروں کے لیےموضوع ہیں،پربلال اس ڈرامے میں ابھی تک سب سے کمزور دکھائی دے رہے ہیں۔
نادیہ خان نےیہ بھی کہا کہ “ہو سکتا ہےکہ ڈرامےکی اگلی اقساط میں ان کا بلال کے اداکاری سےمتعلق بیان بدل جائے پر ابھی وہ گوہر رشید جتنے متاثر کن نہیں ہیں “۔
اداکارہ کےاس بیان پربلال عباس کےمداح کافی مایوسی کا شکار ہوئے اور نادیہ خان پرکڑی تنقید کی ،کافی مداحوں نےبلال کا دفاع کرتے ہوئے ان کو بہترین اداکار قرار دیا اور کہا کہ ان کی سکریپٹ کا انتخاب کرنے کی صلاحیت بہترین ہے۔
بعض مداحوں نے یہ بھی کہا کہ آخر وہ (نادیہ) ڈراموں پر تبصرہ کر ہی کہوں رہی ہیں جب کہ انہیں اس کی ا ، ب تک نہیں پتا،اسی دوران مداحوں نے انکی اپنی ہی اداکاری پر بھی سوالات اُٹھا دئیے۔
اداکارہ اس سےقبل“جینٹل مین “ ڈرامے پر تنقید جبکہ“زرد پتوں کا بن “کو سراہنے پر بھی خبروں کی زینت بنی رہی ہیں۔
