سابق کپتان شکیب الحسن پاکستان کیخلاف 2 ٹیسٹ میچز کی سیریز میں شرکت کیلئے بنگلادیشی ٹیم کو جوائن کرلیا۔
سینئیرکرکٹر امریکا سے براہ راست لاہور پہنچے ہیں،جہاں وہ کینیڈا میں گلوبل ٹی20 لیگ میں بنگلہ ٹائیگرز مسی ساگا کی نمائندگی کررہے تھے۔
رواں برس شیخ حسینہ واجد کی جماعت عوامی لیگ کے ٹکٹ پر الیکشن جیتنے والے سابق پارلیمنٹیرین شکیب الحسن حکومت کا تختہ الٹائے جانے سے قبل ہی کینیڈا میں فیملی کے ہمراہ موجود تھے،تاہم ملک میں جاری مظاہروں اور پرتشدد کے باعث وہ پاکستان پہنچے۔
شکیب الحسن کی پاکستان کیخلاف دو ٹیسٹ میچز میں شرکت غیر یقینی تھی تاہم بورڈ نےورلڈ ٹیسٹ چیمپئین شپ شائیکل کےمیچز میں آل راؤنڈر کی دستیابی کی تصدیق کردی تھی۔
بنگلادیش اورپاکستان کےدرمیان سیریزکاپہلا ٹیسٹ میچ 21 سے 25 اگست تک راولپنڈی کرکٹ اسٹیڈیم جبکہ دوسرا میچ 30 اگست سے 3ستمبرتک نیشنل اسٹیڈیم کراچی میں کھیلا جائے گا۔
