حال ہی میں سعیدہ امتیاز گلوکار احمد علی کی میوزک ویڈیو میں جلوہ گر ہوئی ہیں۔ احمد علی پاکستان کی میوزک انڈسٹری میں ابھرتے ہوئے گلوکار ہیں ۔
فیشن ماڈل اورایکٹرس سعیدہ امتیاز اپنے کام سے زیادہ اپنی تصویروں اور سوشل میڈیا پراپنی سرگرمیوں کی وجہ سے متنازعہ رہتی ہیں۔
فیشن اور شوبز کی چکاچوند سعیدہ کو امریکہ سے پاکستان کھینچ لائی ہے ۔ سعیدہ اب تک اپنے کسی بڑے پراجیکٹ سے اپنا نام بنانے میں کامیاب تو نہیں ہو سکیں لیکن سوشل میڈیا پر مقبول رہنے کا فن خوب جانتی ہیں۔
حال ہی میں ریلیز ہونے والی گلوکاراحمد علی کی میوزک ویڈیو میں سعیدہ امتیاز بہت خوبصورت لگ رہی ہیں ۔ احمد علی پاکستان کے ان چند گلوکاروں میں سے ہیں جو اپنے گانوں کی میوزک ویڈیوز پرخاص توجہ دیتے ہیں۔
سعیدہ نے احمد علی کے گانے " تیری یادیں "کی ویڈیو "احساس بدل جاتے ہیں اور کچھ بھی نہیں، ورنہ نفرت اور محبت ایک ہی دل سے ہوتی ہے۔" کیپشن کے ساتھ اپنی انسٹاگرام سٹوری میں شیئر کی تو سوشل میڈیا صارفین نے ملے جلے تاثرات کا اظہار کیا۔
View this post on Instagram
واضح رہے چیئر مین پی ٹی آئی عمران خان کی زندگی پر بننے والی فلم " کپتان" میں جمائما کا کردار سعیدہ نے ادا کیا تھا لیکن فلم تو آج تک ریلیز نہیں ہو سکی مگرسعیدہ نے فیشن اور ایکٹنگ کی دنیا میں قدم جمانے کے لئے اب تک کافی جتن کئے ہیں۔
