وزارت خزانہ کے مطابق آئندہ مالی سال کے دوران معاشی ترقی میں اضافہ جبکہ مہنگائی میں کمی متوقع ہے۔
وزارت خزانہ کے میڈیم ٹرم میکرو اکنامک فریم ورک کے مطابق 2025،26 میں جی ڈی پی گروتھ 4.8 فیصد ہونے کا امکان ہے جبکہ مہنگائی 12 فیصد سے کم ہو کر 7.5 فیصد پر آجائے گی۔
رپورٹ کے مطابق ایف بی آر کا ٹیکس ریونیو بڑھ کر 15 ہزار 555 ارب تک جانے کا تخمینہ ہے، نان ٹیکس ریونیو کی مد میں 3 ہزار 851 ارب روپے جمع ہونے کا امکان ہے۔ پیٹرولیم لیوی کی مد میں صارفین سے ایک ہزار 388 ارب روپے وصول کرنے کا پلان ہے۔
وزارت خزانہ کے مطابق اگلے مالی سال مالی خسارہ 9 ہزار 655 ارب تک جانے کا تخمینہ ہے، آئندہ مالی سال کے دوران قرضوں پر سود کا بل 10 ہزار ارب روپے سے تجاوز کرنے کا خدشہ ہے۔ قرضوں پرسود کی مد میں مجموعی طور پر 10 ہزار 283 ارب خرچ ہوں گے۔
آئندہ مالی سال برآمدات 37.95 ارب ڈالر، ترسیلات زر 31.70 ارب ڈالر متوقع ہے، پینشن بل بڑھ کر 1166 ارب، سول امور کےاخراجات 881 ارب روپے ہو جائیں گے۔ اگلے مالی سال دفاع پر 2337 ارب، ترقیاتی منصوبوں پر 1480 ارب خرچ ہوں گے۔
