صوبائی وزیر عظمیٰ بخاری پیرس اولمپکس 2024 میں پاکستان کو گولڈ میڈل دلانے والے جیولین تھرور ارشد ندیم کے استقبال کے لئے علامہ اقبال انٹرنیشنل ایئرپورٹ پہنچ گئیں۔
لاہور ائیرپورٹ پر گفتگو کرتے ہوئے صوبائی وزیر عظمیٰ بخاری کا کہنا تھا کہ ارشد ندیم قوم کا ہیرو ہے اسے ویلکم کرنے آئے ہیں، ارشد ندیم کی فیملی کے 100 ممبرز بھی ایئرپورٹ پہنچ چکے ہیں۔
انہوں نے بتایا کہ ارشد ندیم کے اہلخانہ کے لیے کھانے کا بندوبست کیا گیا ہے، ارشد ندیم لاہور ایئرپورٹ سے براہ راست میاں چنوں جائیں گے۔
