محکمہ اسکول ایجوکیشن پنجاب نے سرکاری اسکولز کے اوقات جاری کر دیئے۔
پنجاب کے اسکولز میں گرمیوں کی چھٹیاں ختم ہونے کا وقت قریب آ گیا ہے جس کے پیش نظر محکمہ اسکول ایجوکیشن پنجاب نے سرکاری اسکولز کے اوقات جاری کر دیئے ہیں۔
نوٹیفکیشن کے مطابق سرکاری اسکولز کی کلاسز پیر سے جمعہ 1:30 بجے تک ہوں گی جبکہ دوسری شفٹ کے اسکولز 2:30 سے 5:30 تک کلاسز لیں گے۔
اساتذہ 3 بجے تک سرکاری اسکولز میں ڈیوٹی پر رہیں گے۔
پنجاب کے سرکاری اسکولز ہفتے کے روز بند رہا کریں گے تاہم، اساتذہ ہر 14 روز بعد ہفتے کو تین گھنٹے کے لیے اسکول آئیں گے۔
نوٹیفیکشن میں مزید کہا گیا کہ ہفتے کی چھٹی کے روز اساتذہ کی مختلف ٹریننگز ہوں گی۔
