پیرس اولمپکس 2024 میں سلور میڈل حاصل کرنے والے بھارتی جیولین تھرور نیرج چوپڑا کا کہنا ہے کہ میری والدہ نے پاکستانی اتھلیٹ ارشد ندیم کے بارے میں جو بات کہی وہ اپنے دل سے کہی تھی۔
یاد رہے کہ پیرس اولمپکس 2024 میں پاکستان کو گولڈ میڈل دلانے والے جیولین تھرور ارشد ندیم کی کامیابی پر ردعمل دیتے ہوئے نیرج چوپڑا کی والدہ کا کہنا تھا کہ ہم نیرج چوپڑا کے سلور میڈل جیتنے پر بھی خوش ہیں، ہمارے لیے سلور بھی گولڈ جیسا ہی ہے، ارشد ندیم نے گولڈ میڈل جیتا وہ بھی میرا بیٹا ہے۔
بھارتی میڈیا سے گفتگو کرتے ہوئے نیرج چوپڑا کا اپنی والدہ کے بیان کے حوالے سے کہنا تھا کہ انہوں نے ارشد ندیم کے بارے جو بات کی وہ اپنے دل سے کی تھی اور وہ ہمیشہ کھری اور خالص بات کرتی ہیں۔
نیرج چوپڑا کا کہنا تھا کہ میری والدہ ہمیشہ گاؤں میں رہی ہیں اور بالکل خالص اور سچی بات کہتی ہیں۔
