فیڈریشن آف چیمبر اینڈ کامرس اینڈ انڈسٹریز ( ایف پی سی سی آئی ) نے آئی پی پیز کیخلاف سپریم کورٹ سے رجوع کرلیا ۔
فیڈریشن آف چیمبر اینڈ کامرس اینڈ انڈسٹریز نے آئی پی پیز کے خلاف سپریم کورٹ میں دائر کی گئی درخواست میں فرانزک آڈٹ کی استدعا کی ہے۔
فیڈریشن آف چیمبر اینڈ کامرس اینڈ انڈسٹریز کی جانب سے سپریم کورٹ سے استدعا کی گئی ہے کہ آئی پی پیز کو دیا گیا زائد منافع ریکور کرنے کا حکم دیا جائے اور معاہدوں میں ترمیم کر کے ادائیگی بجلی کی فراہمی سے مشروط کرنے کا حکم دیا جائے۔
درخواست میں استدعا کی گئی کہ عدالت آئی پی پیز سے متعلقہ 1994، 2002 اور 2015 کی پالیسیاں کالعدم قرار دے۔
ایف پی سی سی نے یہ بھی استدعا کی کہ سپریم کورٹ قرار دے کہ شہریوں کو سستی بجلی فراہم کرنا حکومت کی ذمہ داری ہے اور یہ بھی قرار دیا جائے کہ حکومت بجلی جیسی بنیادی ضرورت سےمنافع نہیں کما سکتی۔
