صدر استحکام پاکستان پارٹی(آئی پی پی) و وفاقی وزیر عبدالعلیم خان نے ارشد ندیم کو مبارکباد دی۔
وفاقی وزیر عبدالعلیم خان نے سوشل میڈیا پلیٹ فارم ایکس پر ٹوئٹ میں کہا کہ نیزہ پھینکنے کے مقابلوں میں پاکستان کی فائنل میں رسائی قابل ستائش ہے،ارشد ندیم نے پہلی ہی کوشش میں 86میٹر سے دور نیزہ پھینک کر سر فخر سے بلند کر دیا۔
پیرس اولمپکس میں شاندار کارکردگی کا مظاہرہ کرنے پر ارشد ندیم کو مبارکباد۔ نیزہ پھینکنے کے مقابلوں میں پاکستان کی فائنل میں رسائی قابل ستائش ہے۔ارشد ندیم نے پہلی ہی کوشش میں 86میٹر سے دور نیزہ پھینک کر قوم کا سر فخر سے بلند کیا۔ ارشد ندیم جیسے نوجوان ہمارا سرمایہ افتخارہیں، ان کی…
— Abdul Aleem Khan (@abdul_aleemkhan) August 6, 2024
وفاقی وزیر برائے نجکاری وموصلات عبدالعلیم خان کی جانب سے کئے گئے ٹوئٹ میں مزید لکھا کہ ساری قوم ارشد ندیم کی اولمپکس فائنل میں کامیابی کیلئے دعا گو ہے، ارشد ندیم کی کامیابی تازہ ہوا کا جھونکا،قوم دیگر شعبوں میں بھی کامیابی کی متمنی ہے۔
صدر استحکام پاکستان پارٹی)آئی پی پی) عبدالعلیم خان نے نوجوانوں کی حوصلہ افزائی کے متعلق اپنے ٹوئٹ میں مزید لکھا کہ نا مساعد حالات میں بہترین کارکردگی،ارشد ندیم جیسے نوجوان ہمارا سرمایہ افتخارہیں۔
