لاہور میں دو ڈاکووں نے ایئرپورٹ کے قریب 27 سالہ جرمن سیاح برگ فلورائن کو لوٹ لیا ۔
جرمن سیاح برگ فلورائن سائیکل پر پاکستان کے شمالی علاقہ جات کی سیر کے بعد باغوں کے شہر لاہور پہنچا تو ایئرپورٹ کے قریب کیمپ لگالیا، اسی دوران دو بے رحم ڈاکوؤں نے اسے گھیر لیا اور موبائل، نقدی اور پانچ لاکھ روپے مالیت کا کیمرہ چھین کر فرار ہوگئے ۔
لٹنے والے سیاح کا الزام ہے کہ ڈولفن کو مدد کیلئے کہا تو انہوں نے ڈالرز مانگ لیے ۔
برگ فلورائن لٹنے کے بعد سائیکل پر سوار ہوکر روانہ ہوا تو کچھ دور جا کر بیہوش ہو کر گر گیا ، وہاں موجود نوجوانوں نے اسے طبی امداد کیلئے اسپتال منتقل کیا۔
ابتدائی طبی امداد کے بعد شہریوں نے جرمن سیاح کو اسپتال کے قریب واقع فلیٹ میں منتقل کردیا۔
پولیس نے اندراج مقدمہ کیلئے برگ فلورائن کی درخواست پر کارروائی کا آغاز کردیا ہے۔
