لاہور میں لڑکی کو اسلحہ دکھا کر دوستی کے لیے مجبور کرنے والے شخص کو گرفتار کرلیا گیا ، ملزم سے لڑکی کا چھینا گیا موبائل فون بھی برآمد کرلیا گیا ہے ۔
پولیس کے مطابق واقعہ شاہدرہ ٹاؤن کے علاقے میں پیش آیا ، شہباز نامی شخص راہ گیر لڑکی کو اسلحہ دکھا کر دوستی کرنے پر مجبور کرتا تھا ، خاتون نے موبائل پر ویڈیو بنانے کی کوشش تو ملزم نے موبائل فون چھین لیا ، پولیس نے لڑکی کی نشاندہی پر ملزم کو گرفتار کرلیا ، مقدمہ درج کرکے ملزم سے لڑکی کو موبائل فون بھی برآمد کرلیا گیا ہے ۔
