چیف جسٹس قاضی فائزعیسیٰ نے سپریم جوڈیشل کونسل میں دائر ریفرنسز اور شکایات کی تفصیلات طلب کرلیں۔
ذرائع کے مطابق سیکرٹری سپریم جوڈیشل کونسل دائر ہونے والی شکایات کی تفصیلات اندراج کی ہی ترتیب سے فراہم کریں گے ۔
کونسل میں چیف جسٹس قاضی فائز عیسیٰ اور چیف جسٹس اسلام آباد ہائیکورٹ عامرفاروق کیخلاف شکایات درج ہیں۔ جسٹس طارق محمود جہانگیری، چیف الیکشن کمشنر اور ارکان کے خلاف شکایات بھی دائرہو چکی ہیں۔
واضح رہے کہ سپریم جوڈیشل کونسل نے مارچ میں جسٹس مظاہر علی اکبر نقوی کو برخاست کیا تھا۔
