وزیراعظم شہباز شریف سے عالمی شہرت یافتہ پاکستانی کوہ پیما نائلہ کیانی نے ملاقات کی ہے۔ وزیراعظم نے کہا کہ نائلہ کیانی کا 8 ہزار میٹر سے بلند 11 چوٹیاں سر کرنا پاکستان کیلئے اعزاز کی بات ہے۔
وزیراعظم شہباز شریف نے نائلہ کیانی کودنیا کی پانچویں بڑی چوٹی مکالو سر کرنے پر مبارکباد دی۔ کہا پاکستان میں خواتین ہر شعبے میں گراں قدر خدمات سر انجام دے رہی ہیں۔ نائلہ کیانی کا 8 ہزار میٹر سے بلند 11 چوٹیاں سر کرنا پاکستان کیلئے اعزاز کی بات ہے۔
وزیراعظم نے کہا کہ حکومت ملک میں باصلاحیت خواتین کو یکساں ترقی کے مواقع فراہم کرنے کیلئے پر عزم ہے۔ وزیراعظم نے انفارمیشن ٹیکنالوجی، تعلیم، پیشہ ورانہ تربیت، کھیل اور دیگر شعبوں میں خواتین کو سہولیات فراہمی کو حکومت کی اولین ترجیحات قرار دیا۔ نائلہ کیانی نے ملک میں خواتین کی ترقی پر خصوصی توجہ دینے پر وزیراعظم کا شکریہ ادا کیا۔
