گزشتہ کئی سال سے سری لنکا میں پھنسے پاکستانی قیدیوں کو سات روز میں پاکستان واپس لانے کا فیصلہ ہوگیا۔
وفاقی وزیر داخلہ محسن نقوی سےسری لنکن ہائی کمشنر رویندرا چندرا سری وجے گونارتنے نےملاقات کی،ملاقات میں باہمی دلچسپی کےامور اورسری لنکا میں قید پاکستانی شہریوں کی رہائی کے حوالے سے تبادلہ خیال کیا گیا۔
سری لنکامیں پاکستانی قیدیوں کی وطن واپسی کےلیےدونوں جانب سےضروری کارروائی جلد مکمل کرنےپراتفاق ہوگیا،سری لنکن ہائی کمشنر نے پاکستانی قیدیوں کی رہائی کے لیےہرممکن تعاون کی یقین دہانی کرائی۔
وفاقی وزیرداخلہ نےقیدیوں کی وطن واپسی کے لیے تعاون پر سری لنکن ہائی کمشنر کا شکریہ ادا کیا،محسن نقوی کا کہنا تھا کہ سری لنکا میں قید پاکستانی شہریوں کی وطن واپسی کے لیے تمام اقدامات کو جلد ازجلد حتمی شکل دی جارہی ہے۔
ملاقات میں انسداد منشیات اور بارڈرسیکیورٹی کے امورپربھی گفتگو ہوئی۔محسن نقوی نےکہ انسداد منشیات اور بارڈرسیکیورٹی کے حوالے سے باہمی تعاون کو فروغ دینا وقت کا تقاضا ہے۔
