انٹرنیشنل مانیٹری فنڈ ( آئی ایم ایف نے ) رواں سال عالمی سطح پر مہنگائی اور شرح سود بلند سطح پر رہنے کا امکان ظاہر کر دیا۔
آئی ایم ایف کی جانب سے ورلڈ اکنامک آؤٹ لک اپ ڈیٹ رپورٹ جاری کردی ہے جس کے مطابق پاکستان میں رواں مالی سال معاشی ترقی کی رفتار 3.5 فیصد رہنے کا امکان ہے۔
رپورٹ کے مطابق حکومت نے نئے بجٹ میں معاشی ترقی کا ہدف 3.6 فیصد مقررکیا ہے جبکہ گزشتہ مالی سال پاکستان میں معاشی شرح نمو 2 فیصد رہی۔
عالمی معیشت اس سال 3.3 فیصد شرح سے ترقی کرے گی۔
رپورٹ میں رواں سال بھارت 6.5 فیصد اور چین کی جی ڈی پی گروتھ 4.5 فیصد رہنے کی پیش گوئی کی گئی ہے۔
آئی ایم ایف کے مطابق عالمی سطح پر مہنگائی اور شرح سود بلند سطح پر رہنے کا امکان ہے جبکہ بین الااقوامی مالیاتی فنڈ نے عالمی سطح پر اجناس کی قیمتیں بڑھنے کی پیش گوئی بھی ہے۔
پالیسی ریٹ میں سال کے دوسرے حصے میں کمی کا امکان ہے، عالمی معیشت کیلئے ایکٹرنل، فسکل اور فنانشل خطرات موجود ہیں۔
انرجی اور فوڈ پرائسز بتدریج کورونا سے پہلے والی سطح پر آجائیں گی اور عالمی سطح پرعمومی مہنگائی بلند سطح پر رہے گی۔
