پاکستان کرکٹ ٹیم کے کھلاڑی شاداب خان کی لنکا پریمیئر لیگ میں شاندار کارکردگی کا سلسلہ جاری ہے۔
شاداب خان نے سری لنکن ٹی 20 کرکٹ لیگ میں مسلسل دوسرے میچ میں چار کھلاڑیوں کو پویلین کی راہ دکھا دی۔
شاداب خان نے کولمبو اسٹرائیکرز کی نمائندگی کرتے ہوئے گال مارولز کے خلاف چار اوورز میں 22 رنز دے کر 4 کھلاڑیوں کو آؤٹ کیا۔
اس سے قبل منگل کو کھیلے گئے میچ میں شاداب خان نے کینڈی فالکنز کے خلاف ہیٹرک کی تھی۔
فالکنز کے خلاف میچ میں چار وکٹیں حاصل کرنے پر شاداب خان کو میچ کا بہترین کھلاڑی کا ایوارڈ بھی دیا گیا تھا۔
خیال رہے کہ شاداب خان ایونٹ میں اب تک 8 وکٹیں حاصل کرکے سب سے زیادہ وکٹیں لینے والے باؤلر بھی ہیں۔
