پاکستان پیٹرولیم ڈیلرز ایسوسی ایشن نے 5 جولائی کو ہڑتال کا اعلان کردیا۔
نئے مالی سال کے بجٹ میں پیٹرولیم مصنوعات کی فروخت پر مزید ٹیکس عائد کئے جانے پر پیٹرول پمپس مالکان شدید ناراض ہیں اور پاکستان پیٹرولیم ڈیلرز ایسوسی ایشن نے ٹیکس واپس نہ لینے کی صورت میں 5 جولائی کو ہڑتال کا اعلان کردیا ہے۔
ایسوسی ایشن کے چیئرمین عبدالسمیع خان نے اس حوالے سے کہا کہ کل مذاکرات کے لیے اسلام آباد جارہے ہیں۔
انہوں نے مطالبہ کیا کہ حکومت فوری طور پر عائد کردہ ٹیکس ختم کرے۔
