او جی ڈی سی ایل کا کہنا ہے کہ تیل وگیس کی مقامی پیداوار بڑھانے کا فیصلہ کیا ہے،اضافی پیداوار سےملکی امپورٹ بل میں تقریبا 6 کروڑڈالرکی خاطر خواہ کمی ہوگی۔
آئل اینڈ گیس ڈویلپمنٹ کمپنی لمیٹڈ(او جی ڈی سی ایل) کےترجمان نے تیل و گیس کی مقامی پیداوار بڑھانے کا اعلان کرتے ہوئے کہا کہ ضلع کرک میں واقع کنواں نمبر4 سےگیس، خام تیل ذخائرمیں اضافہ کردیاہے،کنواں نمبر4 سے اضافی 330 بیرل یومیہ تیل حاصل کیا جا رہا ہے۔
ترجمان او جی ڈی سی ایل کا مزید کہنا تھا کہ کنواں نمبر4 سےاضافی 77 لاکھ کیوبک فٹ یومیہ گیس حاصل کی جا رہی ہے،گیس کی اضافی پیداوارکو سوئی ناردرن نیٹ ورک میں شامل کر دیا گیا، اضافی پیداوار سےملکی امپورٹ بل میں تقریبا 6 کروڑڈالرکی خاطر خواہ کمی ہوگی۔
