ٹی ٹوئنٹی ورلڈکپ کےسپرایٹ مرحلے میں جنوبی افریقہ نے ویسٹ انڈیز کو شکست دیکر سیمی فائنل کیلئےکوالیفائی کرلیا،جس کے بعد میزبان ویسٹ انڈیز ٹیم ورلڈکپ سے باہر ہوگئی۔
123رنز کا ہدف جنوبی افریقہ نے7وکٹوں پرحاصل کیا،تھرسٹن اسٹب29،ہینرچ کلاسن 22 نے رنزبنائے،ایڈن مارکرم18،ریزہینڈریکس صفر اورڈیوڈ ملر4رنزبناسکے۔
روسٹن چیس کی3، آندرے رسل اور الزاری جوزف کی2-2وکٹیں حاصل کیں۔ویسٹ انڈیز نے پہلے کھیل کر8وکٹ پر135رنزبنائے تھے۔
روسٹن چیز 52رنز بناکرنمایاں رہے،تبریزشمسی نے تین کھلاڑیوں کو آؤٹ کیا۔
ہدف کےتعاقب میں جنوبی افریقہ کی بیٹنگ کے دوران 2 اوورز کے بعد بارش کی وجہ سے میچ روک دیا گیا تھا۔
گروپ 2 میں سےانگلینڈ کی ٹیم سیمی فائنل کے لیےکوالیفائی کرچکی،سپر ایٹ میں جنوبی افریقہ نےامریکا اورانگلینڈ کے خلاف کھیلےگئےدونوں میچزجیتےہیں جبکہ ویسٹ انڈیز نے ایک میچ جیتا اوردوسرے میں اسے شکست کا سامنا کرنا پڑا۔
