آج دن کے وقت ملک کے بیشتر علاقوں میں موسم گرم اور خشک رہے گا۔ شام میں شمال مشرقی بلوچستان اور جنوبی خیبرپختونخوا میں بارش متوقع ہے۔
محکمہ موسمیات کے مطابق آج وسطی اور جنوبی پنجاب اور بالائی سندھ میں بھی بعض مقامات پر بوندا باندی ہوسکتی ہے۔ خطہ پوٹھوہار، بالائی خیبرپختونخوا میں بھی چند مقامات پر بارش کا امکان ہے۔ اسلام آباد اور گر دو نواح میں موسم گرم اور مطلع جزوی ابر آلود رہنے کا امکان ہے۔
محکمہ موسمیات کے مطابق آج سب سے زیادہ درجہ حرارت تربت اور گوادر میں 48 ڈگری سینٹی گریڈ تک جا سکتا ہے۔ اسلام آباد میں درجہ حرارت 37 ،لاہور میں 39 اور کراچی میں 35 ڈگری سینٹی گریڈ تک رہے گا۔
