وفاقی حکومت نے وزارت بین الصوبائی رابطہ کے مختلف کھیلوں کے فروغ اور کھیلوں کے میدانوں کے منصوبوں کے لئے 3100ملین روپے مختص کر دیئے۔
آئندہ مالی سال (25ـ2024) میں سرکاری شعبہ کے ترقیاتی پروگرام کے تحت وزارت بین الصوبائی رابطہ کے مختلف کھیلوں کے فروغ اور کھیلوں کے میدانوں کے منصوبوں کے لئے 3100ملین روپے مختص کئے گئے ہیں۔
پی ایس ڈی پی کے مطابق جاری منصوبوں میں پی ایس سی اسلام آباد میں مختلف امور کے لئے 60ملین روپے مختص کئے گئے ، پاکستان سپورٹس کمپلیکس میں بائیو میکینیکل لیب کے قیام کے لئے 120.735ملین روپے ،نیشنل ایتھلیٹس کے لئے غیر ملکی کوچز کی خدمات حاصل کرنے کے لئے 160ملین روپے رکھے گئے ہیں۔
فٹ بال گراؤنڈ میں سینتھٹیک ٹریک کے لئے 304.893 ملین روپے ، ساؤتھ ایشین گیمز کے لئے پی ایس سی میں سہولیات کو بڑھانے کے لئے 312.083ملین روپے ، پی سی بی کوچنگ سینٹر کراچی میں سہولیات بڑھانے کے لئے 180ملین روپے ، اسلام آباد ، فیصل آباد، واہ کینٹ، پشاور ،کوئٹہ ،مظفر آباد اور سوات میں سینتھکٹس ہاکی ٹرف کی تبدیلی کے لئے 171.466ملین روپے مختص کئے گئے ہیں۔
پاکستان سپورٹس کمپلیکس اسلام آباد میں الیکٹرانک ڈسپلے اینڈ سکورننگ سسٹم کے لئے 735.394ملین روپے ، ساؤتھ ایشین گیمز کے لئے مختلف سہولیات فراہمی کے لئے 388.429ملین روپے مختص کیے گئے ہیں ۔
دستاویز ات کے مطابق وزارت بین الصوبائی رابطہ کی نئی سکیموں میں پی سی بی کوچنگ سینٹر کراچی میں سوئمنگ پول کی تعمیر کے لئے 200ملین روپے مختص کئے گئے جبکہ پی ایس بی کوچنگ سینٹر کوئٹہ کی اپ گریڈیشن کے لئے 150ملین روپے اور نیشنل گیمز کے انعقاد کے لئے 317 ملین روپے مختص کیے گئے ہیں۔
