پاکستان کرکٹ ٹیم کے فاسٹ باؤلر محمد عامر کا کہنا ہے کہ بھارت کے خلاف باؤلنگ لائن نے شاندار پرفارمنس دکھائی۔
پاکستان اور بھارت کی ٹیمیں آئی سی سی ٹی 20 ورلڈ کپ کے بڑے میچ میں آج نیویارک میں مدمقابل ہیں۔
نیویارک کے ناساؤ کاؤنٹی کرکٹ سٹیڈیم میں کھیلے جانے والے میچ میں پاکستان نے ٹاس جیت کر پہلے فیلڈنگ کا فیصلہ کیا اور بھارتی ٹیم کو پہلے بیٹنگ کی دعوت دی۔
پاکستانی باؤلرز نے شاندار کارکردگی کا مظاہرہ کرتے ہوئے بھارتی ٹیم کو محض 120 رنز پر ڈھیر کردیا اور بھارتی ٹیم کو ٹی 20 کی تاریخ میں پہلی بار آل آؤٹ بھی کیا۔
پاکستان کی جانب سے نسیم شاہ اور حارث نے تین ، تین کھلاڑیوں کو آؤٹ کیا جبکہ محمد عامر نے دو اہم وکٹیں حاصل کیں۔
بھارتی اننگ کے بعد گفتگو کرتے ہوئے فاسٹ باؤلر محمد عامر کا کہنا تھا کہ بولنگ لائن نے شاندار پرفارمنس دکھائی ہے، اب پاکستان کو اننگز کاآغآز عمدگی سے کرنا ہوگا۔
ان کا کہنا تھا کہ باؤلرز کا کام ٹیم کے لیے سازگار ماحول بنانا ہوتا ہے۔
