لاہور پولیس نے سانحہ 9 مئی میں ملوث مطلوب ملزمان کیخلاف ایک بار پھر کریک ڈاؤن کا فیصلہ کرلیا۔
تفصیلات کے مطابق لاہور پولیس کو مطلوب 9 مئی کے مقدمات میں مطلوب 320 ملزمان کی گرفتاری کے لیے بڑے پیمانے پر کریک ڈاؤن کا فیصلہ کیا گیا ہے اور اس سلسلے میں آپریشنز، انویسٹیگیشن اور آرگنائزڈ کرائم یونٹ کو ٹاسک سونپ دیا گیا۔
پولیس کے مطابق مطلوب 320 ملزمان میں پرانے اور نئے نامزد افراد شامل ہیں، 100 سے زیادہ اشتہاری قرار دیے گئے ملزمان بھی مطلوب افراد کی فہرست میں شامل ہیں۔
پولیس کا کہنا ہے کہ مطلوب ملزمان میں متعدد خیبرپختونخوا میں پناہ لیے ہوئے ہیں، خیبرپختونخوا میں چھاپہ مار کارروائی کے دوران مزاحمت کے خدشات ہیں، پہلے مرحلے میں لاہور سمیت پنجاب کے اضلاع میں موجود افراد کی گرفتاریاں کی جائیں گی۔
