کرکٹر شبمن گل سے شادی کی افواہوں نے بھارتی اداکارہ کو مشکل میں ڈال دیا، کہتی ہیں کہ ان افواہوں میں کوئی سچائی نہیں میں تو ان کو جانتی بھی نہیں ہوں۔
میڈیا رپورٹس کے مطابق بھارتی ٹیلی ویژن انڈسٹری کی معروف اداکارہ ردھیما پنڈت نے سوشل میڈیا پر بیان میں کہا کہ صبح سے مجھے مبارک باد کے پیغامات آ رہے ہیں اور میں کرکٹر شبمن گل سے شادی کی افواہوں کی تردید کر کر کے تھک چکی ہوں۔
اداکارہ نے مزید کہا کہ مجھ سے میڈیا اور صحافیوں نے جتنا زیادہ رابطہ اس دوران کیا پہلے کبھی ایسا نہیں ہوا۔ میں بتانا چاہتی ہوں کہ شبمن گل سے میری شادی کسی کی خواہش ہوسکتی ہے لیکن حقیقت میں ایسا نہیں ہے۔ میں ذاتی طور پر شبمن گل کو جانتی تک نہیں۔
ردھیما پنڈت نے مزاحیہ انداز میں کہا کہ میں سنگل ہوں تاہم ہوسکتا ہے شبمن گل سے شادی کی جعلی خبروں کے بعد اب کوئی مجھ سے شادی کے لیے رابطہ نہ کرے۔
