لوڈ شیڈنگ کا شکار کراچی والوں کے لیے ایک اور بری خبر آگئی ۔ کے الیکٹرک اور سندھ سرکار آمنے سامنے آ گئے۔
کے الیکٹرک نے سندھ حکومت سے واجبات نہ ملنے پر شہر میں لوڈشیڈنگ بڑھانے کی دھمکی دے دی ۔ کے الیکٹرک کاسندھ حکومت کو لکھا گیا خط منظر عام پر آگیا۔
خط میں کہا گیا ہے کہ سندھ حکومت نے نواعشاریہ دو ارب روپے بجلی کی مد میں ادا کرنے ہیں۔ مالی بحران کے باعث کے الیکٹرک کو مرمت و بحالی میں مشکلات کا سامنا ہے۔
کے الیکٹرک خط کے مطابق حکومت سندھ اور واٹربورڈ نے جنوری سے ادائیگیاں نہیں کیں، شرح سود بلندترین سطح پر ہے،کے الیکٹرک قرض نہیں لے سکتی۔ فوری ادائیگی نہ ہوئی توگرمیوں میں نیٹ ورک بیٹھ سکتاہے۔ کے الیکٹرک نےسیکرٹری فنانس اور میئرکراچی کو صورتحال سے آگاہ کردیا ۔
