پاک بحریہ کا جنگی جہاز اصلت ریجنل میری ٹائم سیکیورٹی گشت پر بحرِ ہند میں تعینات کردیا گیا۔ جہاز بحری سفارت کاری کے تحت علاقائی بندرگاہوں کا دورہ بھی کرے گا۔
آئی ایس پی آر کے مطابق جدید ہتھیاروں اور سینسرز سے لیس جہاز کثیر الجہتی خطرات سے نمٹنے کی صلاحیت رکھتا ہے۔ پی این ایس اصلت پر مخصوص ہیلی کاپٹر بھی موجود ہے۔
ترجمان پاک فوج کے مطابق بحری جہاز پاکستانی بندرگاہوں پر آنے اور جانے والے تجارتی جہازوں کی حفاظت یقینی بنائے گا۔ پی این ایس اصلت دوست اور شراکت دار ممالک کے ساتھ مشترکہ آپریشنز میں حصہ لینے کے ساتھ بحری سفارت کاری کے تحت علاقائی بندرگاہوں کا دورہ بھی کرے گا۔
