گرمی کی شدت میں اضافہ ہوتے ہی ایئر کنڈیشن اور ایئر کولر کی مانگ میں اضافہ ہوجاتا ہے۔ معقول آمدنی والے افراد تو ایئر کنڈیشن خریدنے اور اس کا بل ادا کرنے کی استطاعت رکھتے ہیں لیکن غریب اور متوسط طبقہ ایئر کنڈیشن کے اخراجات برداشت کرنے کے قابل نہیں۔
دور جدید میں ایسے ایئر کولر بھی مارکیٹ میں متعارف کرائے گئے ہیں جن کے استعمال سے آپ اپنے کمرے کے درجہ حرارت کو برقرار رکھ سکتے ہیں۔
ایئر کنڈیشن اورایئر کولر کا کاروبار کرنے والوں کے مطابق ایئر کنڈیشن اورایئر کولر کی قیمتوں میں تقریباً 75 فیصد کا فرق ہے۔ ہمارے گاہک عموماً 1.5 ٹن ایئر کنڈیشن کی ہی ڈیمانڈ کرتے ہیں، جس کی قیمت اس وقت ایک لاکھ 50 ہزار روپے ہے، جبکہ اس کی نسبت بڑے سائز کا ایئر کولر 20 ہزار روپے سے لے کر 25 ہزار روپے تک مل جاتا ہے۔
تاجروں کے مطابق متوسط اور غریب طبقہ جو کہ اے سی کے اخراجات برداشت نہیں کرسکتا اس کے لیے ایئر کولر ہی بہترین آپشن ہے۔ اس وقت مارکیٹ میں اچھے معیار کا ایئر کولر بھی 15 ہزار روپے سے 18 ہزار روپے میں دستیاب ہے۔ ایئر کولرآج کل آئیز باکس کے ساتھ بھی آرہے ہیں جو کہ واٹر سرکولیشن کے ساتھ ہوتے ہیں۔ یہ کولر کمرے کا درجہ حرارت کافی حد تک کنٹرول کرسکتا ہے۔اس کے علاوہ مارکیٹ میں ٹاور کولر بھی دستیاب ہیں ۔ایئر کولر کے استعمال سے بجلی کے اخراجات بھی بہت زیادہ حد تک کم ہو جاتے ہیں۔
