جماعت اسلامی نے پاکستان تحریک انصاف ( پی ٹی آئی )کی حکومت مخالف تحریک میں شریک ہونے سے انکار کردیا۔
ذرائع کے مطابق جماعت اسلامی تحریک انصاف کی حکومت مخالف تحریک میں شمولیت اختیار نہیں کرے گی، جس سے پی ٹی آئی قیادت کو آگاہ بھی کردیا گیا ہے۔
جماعت اسلامی نے تحریک انصاف پر واضح کیا ہے کہ وہ کسی اور کے پلیٹ فارم سے حکومت کے خلاف احتجاجی تحریک کا حصہ نہیں بنے گی بلکہ اپنے پلیٹ فارم سے حکومت کے خلاف احتجاجی لائحہ مرتب کرے گی۔
ذرائع کا کہنا ہے کہ تحریک انصاف کی احتجاجی تحریک پر جماعت اسلامی کے قائدین کے تحفظات ہیں۔
جماعت اسلامی پی ٹی آئی کے ساتھ صرف محدود سطح پر تعاون کرسکتی ہے ۔
جماعت اسلامی نے حکومت کے خلاف احتجاجی حکمت عملی کے لیے کل مجلس شوریٰ کا اجلاس بھی طلب کیا ہے۔
