چیئرمین پی سی بی محسن نقوی نے پاکستان کرکٹ ٹیم کا اعلان روک دیا۔
محسن نقوی نےسلیکشن کےعمل اورباقاعدہ میٹنگز نہ ہونے پرناراضگی کا اظہار کیا، کھلاڑیوں کے ناموں پراعتراض نہ اُٹھاتے ہوئے انہوں نے کہا جب تک سلیکشن کے عمل کا تمام پراسیس مکمل نہیں کیا جاتا ٹی ٹوئنٹی ورلڈ کپ کے لیے ٹیم کا اعلان نہیں ہوگا۔
ذرائع کا کہنا ہےکہ قومی کرکٹ ٹیم کے انتخاب کے لیےکسی اجلاس کی کارروائی کے منٹس محسن نقوی تک نہ پہنچائے گئے،چیئرمین پی سی بی نے معاملے کا نوٹس لیتے ہوئے سلیکشن کمیٹی سے جواب طلب کرلیا۔
ذرائع کا کہنا ہے کہ سلیکشن کمیٹی کی باقاعدہ میٹنگ،کارروائی چیئرمین پی سی بی تک پہنچائی جائے۔
